So Happy It Hurts

Nanan-aw mi ni Dan sa "So Happy It Hurts" concert ni Bryan Adams gabii sa Nagoya. Naa mi sa standing group, ug sa kalayo namo sa stage, nakabati ko og "so far it hurts."

Naay nitapad namo nga taas nga laki. Sa wa pa nisugod ang concert, amo siyang gitan-aw ug walay timailhan sa kaguol ang iyang nawong. Pagkarealize nako nga makakita gihapon siya sa stage maskig pareho ra mig lugar, nausab akong gibati. Nahimo ng "so short it hurts."

Samtang naminaw mi sa walay paglubad nga tingog ni Bryan Adams, mura kog nagdula og hide and seek. Si Bryan makita ra nako taliwala sa mga lihukan nga ulo. Kon si Ate sa akong atubangan itaas na niya iyang kamot sa kalingaw, kangitngit na lang akong makita bisan pag mokinto ko. Mohangad na lang ko sa mga spotlight sa atop ug akong hinumduman ang ingon ni Bryan: 

Search your heart, search your soul
When you find me there, you'll search no more 

Aduha koy mga nahuna-hunaan nga pwede magpadaog nako nga congressman sa mga putot:

1. Dapat by height ang order sa mga manan-away nga naa sa standing group. 
2. Dapat obligado ang mga organizers nga hatagan og periscope ang mga putot sa likod (idea by Dan).
3. Kon dili pwede ang 1 & 2, dapat hatagan na lang og 30% discount ang mga putot sa likod.

Angay unta idedicate ni Bryan ang "please forgive me, I don't know what to do" sa amo, apan wa niya na gikanta. Iya ra kong gipahinumduman nga naa gyoy mga butang that "cuts like a knife."

Apan kon hatagan kog usa pa ka higayon nga motan-aw (or maminaw) og concert ni Bryan Adams, ako gihapon siyang i-grab maski naa ko sa pinakalikod. Ug ako ni siyang gisulti "straight from the heart."

#PutotFrom18TilIDie